Kilian Mbappeyə qarşı irəli sürülən zorakılıq davası dəlil yetərsizliyi səbəbindən ləğv edilib

Fransa millisinin və "Real Madrid"in futbolçusu Kilian Mbappe həbs olunmaqdan qurtulub.

Oxu.Az xəbər verir ki, İsveçdə futbolçuya qarşı irəli sürülən zorakılıq iddiası ləğv edilib.

İsveç polisi bildirib ki, istintaqı davam etdirmək üçün yetərincə dəlil yoxdur.

Xatırladaq ki, 22 yaşlı futbolçu millinin oyunları ilə əlaqədar fasilə zamanı Stokholmdakı gecə klubunda olduğu vaxt ciddi qalmaqalla üzləşmişdi. Onun 2024-cü il oktyabrın 10-da bir qıza təcavüz etdiyi iddia olunurdu.

Qeyd edək ki, bir müddət əvvəl haqqında çıxan ittihamlara cavab olaraq fransız forvard bu xəbərləri yalanlamışdı.