DÇ-2026-nın 1/16 final mərhələsi çərçivəsində baş tutan və Argentinanın Kabo-Verde üzərində 3:2 hesablı qələbəsi ilə yekunlaşan matçdan sonra komandanın kapitanı Lionel Messi rəqib qapıçı Vozinyanın möhtəşəm performansına biganə qala bilməyib.
Oxu.Az xəbər verir ki, məşhur idman jurnalisti David Ornşteyn bu maraqlı anlar barədə paylaşım edib.
"Bir neçə əlverişli qol fürsətini əldən verdiyim üçün özümü bir qədər məyus hiss edirdim. Lakin yenə də çox vacib olan bir qola imza atdım. Mənə Vozinyanın 40 yaşının olduğunu dedilər. Səmimi etiraf etməliyəm ki, bu gün nümayiş etdirdiyi oyunla məni həqiqətən heyrətləndirdi. Qarşılaşma başa çatdıqdan sonra ona yaxınlaşdım və o da öz növbəsində məni təbrik etdi", - deyə argentinalı ulduz vurğulayıb.
Xatırladaq ki, 40 yaşlı qolkiper Vozinya sözügedən qarşılaşmada 8 seyvlə yadda qalıb. Diqqətçəkən məqam isə ondan ibarətdir ki, bu qurtarışlardan 5-i məhz Messinin təhlükəli zərbələrinə qarşı edilib.
Qeyd edək ki, qələbə qazanan Argentina yığması DÇ-2026-nın 1/8 final mərhələsində Misir komandası ilə gücünü sınayacaq.
