"Real Madrid"in baş məşqçisi Joze Mourinyo "Şalke" ilə yoxlama görüşündə (3:0) gözünün altının göyərməsi ilə hər kəsin diqqətini cəlb edib. Bu hadisə həm azarkeşlərin, həm də mətbuat nümayəndələrinin suallarına səbəb olub.
Oxu.Az xəbər verir ki, bu barədə COPE nəşrinin jurnalisti Aranka Rodriges sosial şəbəkə hesabında məlumat verib.
Onun sözlərinə görə, portuqaliyalı mütəxəssis xəsarəti məşq prosesi zamanı aldığını bildirib.
"Məşq zamanı top düz üzümə çırpıldı. Eynək taxmasaydım, yəqin ki, heç nə olmazdı. Vəziyyət bundan da pis ola bilərdi", - deyə mütəxəssis bildirib.
Qeyd edək ki, "Şalke" ilə qarşılaşma komanda üçün rəsmi mövsümün startından əvvəl sonuncu sınaq xarakteri daşıyıb. "Kral klubu" üçün yeni mövsüm avqustun 22-də La Liqada "Espanyol"la keçiriləcək matçla başlayacaq.
