Azərbaycanın daha bir təmsilçisi Səid Nəcəfzadə Paris-2024 Yay Paralimpiya Oyunlarında qızıl medal qazanıb.
Oxu.Az-ın məlumatına görə, T12 kateqoriyasında yer alan paraatlet uzunluğa tullanma növündə çıxış edib.
O, 7,27 metr nəticə ilə paralimpiya çempionu olub.
Azərbaycanın paraüzgüçüsü Raman Saley isə Paris-2024 Yay Paralimpiya Oyunlarında finala yüksələ bilməyib.
O, 50 metr məsafəyə sərbəst üsulla üzməkdə mübarizə aparıb.
S12 kateqoriyasında yer alan Saley 24,39 saniyə ilə doqquzuncu olub. İdmançı ilk səkkizliyə düşə bilmədiyi üçün finala vəsiqə qazanmayıb.
Paris-2024: Səid Nəcəfzadə paralimpiya çempionu oldu
Bu gün Azərbaycanın iki təmsilçisi Paris-2024 Yay Paralimpiya Oyunlarında mübarizə aparacaq.
Oxu.Az xəbər verir ki, T12 kateqoriyasında yer alan Səid Nəcəfzadə uzunluğa tullanma növündə çıxış edəcək.
Bu yarışa Bakı vaxtı ilə 12:00-da start veriləcək.
Ardınca paraüzgüçü Raman Saley uğur qazanmağa çalışacaq. O, 50 metr məsafəyə sərbəst üsulla üzməkdə bacarığını göstərəcək. Təsnifat mərhələsi saat 12:45-də başlayacaq.
Qeyd edək ki, hazırda Azərbaycanın hesabında 1 qızıl, 1 gümüş və 1 bürünc medal var. Raman Saley 100 metr məsafəyə arxasıüstə üzməkdə gümüş mükafat əldə edib. Daha əvvəl isə Azərbaycan parataekvondoçusu İmaməddin Xəlilov (70 kq) qızıl, Sabir Zeynalov (58 kq) bürünc medala sahib çıxıb.
Rəylər