"Qalatasaray" klubu Lukas Torreyra ilə müqavilə müddətini uzatmaq istəyir

"Qalatasaray" Lukas Torreyranın 2026-cı ildə başa çatan müqaviləsini 2028-ci ilə qədər uzatmaq istəyir.

Oxu.Az "SporX"ə istinadən xəbər verir ki, 2 milyon 750 min avro qazanan uruqvaylı yarımmüdafiəçinin yeni maaşının üç milyon avronu keçəcəyi, matç haqları da daxil olmaqla dörd milyon avroya yaxın qazanacağı bildirilib.

Karyerasının son dövründə Cənubi Amerikada oynamaq istəyən Torreyra 2028-ci ilə qədər "Qalatasaray"da çıxış etməyi planlaşdırır.

"Qalatasaray"la müqaviləsi 2026-cı ilə qədər davam edən Lukas Torreyranın hazırkı bazar dəyəri 13 milyon avro olaraq göstərilir.

Qeyd edək ki, "Qalatasaray" forması ilə 122 matça çıxan Torreyra üç qol vurub, 11 məhsuldar ötürmə edib.