"Qarabağ" dünya klublarının siyahısında ilk 20-likdə

Dünyada milli çempionatlarda son 10 oyunda ən yaxşı nəticə göstərən klubların siyahısı açıqlanıb, "Qarabağ" ilk 20-likdə qərarlaşıb.

Oxu.Az İdman.biz-ə istinadən xəbər verir ki, 30 mümkün xaldan 26-nı qazanan "Qarabağ" (səkkiz qələbə, iki heç-heçə) bu göstəriciyə görə cədvəldə 17-ci sıradadır.

Son on oyunda 100 faizlik nəticə göstərən klublar arasında Serbiyadan "Srvena Zvezda" və İtaliyadan "Atalanta" var.

"Seltik" (Şotlandiya), "Ludoqorets" (Bolqarıstan), Arturo Vidalın çıxış etdiyi "Kolo-Kolo" (Çili) kimi komandalar isə milli çempionatlarında hərəyə 28 xal toplayaraq "Qarabağ"ı qabaqlayıblar.