Futbol millimizin bu gün UEFA Millətlər Liqasında Malta ilə görüşün protokolunda yer alacaq oyunçuların adları məlum olub.
Oxu.Az xəbər verir ki, Bakı vaxtı ilə saat 22:45-də başlayacaq görüşdə millimizin 23 nəfərlik siyahısında bir dəyişiklik edilib.
Kosovo ilə görüşdə 61 dəqiqə oynamış “Səbail”in hücumçusu Ruslan Qurbanov heyətdə olmayacaq. Onun yerinə isə “Neftçi”nin hücumameyilli cinah yarımmüdafiəçisi Namiq Ələsgərov heyətə salınıb.
Qeyd edək ki, millimizlə Maltada 25 futbolçu məşq edir. “Sumqayıt”ın mərkəz müdafiəçisi Bəxtiyar Həsənalızadə ötən oyunda olduğu kimi, yenə oyun protokolunda yer almayacaq.
Səbuhi MUSAYEV
www.oxu.az
