"Real Madrid"in prezidenti Mbappenin oyun səviyyəsindən narazıdır

"Real Madrid"in prezidenti Florentino Peres hücumçu Kilian Mbappenin klubdakı çıxışlarından narazıdır.

Oxu.Az xəbər verir ki, bu barədə "Relevo" məlumat yayıb.

Mənbənin sözlərinə görə, "Real" onun yeni Kriştianu Ronaldu olacağını gözləsə də, fransalı futbolçunun meydanda liderlik keyfiyyətləri nümayiş etdirməməsi "Kral klubu"nun rəhbərinin xoşuna gəlmir.

Qeyd olunur ki, Peres "Real"ın baş məşqçisi Karlo Ançelotti ilə söhbətlərindən birində Mbappenin özünə bənzəmədiyini dediyi vurğulanır.

Xatırladaq ki, fransız hücumçu ötən yay azad agent kimi "Real Madrid"ə keçib. Bu müddət ərzində o, bütün turnirlərdə 16 oyun keçirib, səkkiz qol vurub və iki məhsuldar ötürmə edib.