Roberto Karlos 15 il evlilikdən sonra həyat yoldaşından boşanır

Braziliyalı veteran futbolçu Roberto Karlos 15 il evlilikdən sonra həyat yoldaşı Mariana Lukkondan boşanır.

Oxu.Az "El Mundo" nəşrinə istinadən xəbər verir ki, boşanma prosesi zamanı Karlos "Real Madrid"in bazasında yaşamağa qərar verib.

2009-ci ildən nikahda olan cütlüyün iki qızı var. Onlar sahib olduqları 160 milyonluq əmlakı bölüşdürəcəklər.

Qeyd edək ki, Robertonun İspaniyada iki evi var. Onun birində futbolçunun valideynləri, digərində isə həyat yoldaşı ilə uşaqları yaşayırlar.