Romada keçirilən "Masters" turnirinin yarımfinal və finalçıları müəyyənləşdi

Romada keçirilən "Masters" turnirində qadın tennisçilərin mübarizəsində Kori Qauff Çjen Sinveni məğlub edərək (7:6, 4:6, 7:6) finala yüksəlib. Digər yarımfinalda isə Jasmin Paolini Peyton Sternsdən üstün olub - 7:5, 6:1.

Oxu.Az xəbər verir ki, kişilərin yarışında isə son yarımfinalçılar bəlli olublar.

Yannik Sinner norveçli Kasper Ruudu darmadağın edib - 6:0, 6:1. Yarımfinalda onun rəqibi Tommi Pol olacaq. Digər oyunda Lorenzo Muzetti ilə Karlos Alkaras üz-üzə gələcəklər.