Ən son xəbərləri bizim "Instagram" səhifəmizdə izləyin

Ronaldu, Mbappe, Aquero “Qızıl top”a namizəddirlər, Messi bu siyahıda yoxdur
“France Football” jurnalı “Qızıl top”a namizədlərin adını açıqlayıb.
İlk beşlikdə “Liverpul”un hücumçusu Sadio Mane, “Mançester Siti”nin forvardı Serxio Aquero, “Barselona”nın yarımmüdafiəçisi Frenki de Yonq, “Tottenhem”in qapıçısı Uqo Loris və “Ayaks”ın oyunçusu Duşan Tadiç yer alıblar.
İkinci beşliyə isə Kilyan Mbappe (PSJ), Trent Aleksander-Arnold (“Liverpul”), Donne van de Bek (“Ayaks”), Pyer-Emerik Obameyanq (“Arsenal”) və Mark-Andre ter Steqen (“Barselona”) daxildirlər.
Üçüncü beşlikdə isə Kriştianu Ronaldu (“Yuventus”), Alisson (“Liverpul”), Matteys de Liqt (“Yuventus”), Kərim Benzema (“Real Madrid”) və Corcinyo Veynaldum (“Liverpul”) qərarlaşıblar.
Dördüncü beşlik isə bu futbolçulardan ibarətdir: Vircil van Deyk (“Liverpul”), Bernardu Silva (“Mançester Siti”), Son Hin Min (“Tottenhem”), Robert Levandovski (“Bavariya”), Roberto Firmino (“Liverpul”).
Qeyd edək ki, siyahıya yeni adların əlavə olunacağı gözlənilir.
Mükafatın təqdimetmə mərasimi dekabrın 2-də Parisdə Şatle teatrında keçiriləcək.
"Barselona FK" teqi üzrə xəbərlər
- Kral Kubokunda "Real Madrid" - "Barselona" finalı: Kim öndədir?
- Tomas Müllerin "Bavariya"dan sonrakı komandası "Barselona" ola bilər
- İspaniya Kuboku: "Barselona" qalib gəldi, finalda əzəli rəqibi ilə qarşılaşacaq
- Avropanın yaşıl meydanlarında keçiriləcək futbol oyunlarının AFİŞASI
- AFFA-da "Barselona" klubunun nümayəndələri ilə görüş olub