"Şamaxı" heyətini portuqaliyalı futbolçu ilə gücləndirmək istəyir

Azərbaycanın "Şamaxı" Futbol Klubu heyətini daha bir legionerlə gücləndirməyi planlaşdırır.

Oxu.Az azerisport.com-a istinadla xəbər verir ki, region təmsilçisinin yeni hədəfi Portuqaliyanın "UD Santarem" klubunun vingeri Dioqu Balaudur.

"Şamaxı"nın baş məşqçisi Ayxan Abbasov 25 yaşlı portuqaliyalını heyətində görmək istəyir.

Balaunun hazırkı klubu ilə müqaviləsi bu ayın sonunda başa çatır, "Şamaxı" isə onunla daha bir il uzatmaq imkanı ilə iki illik müqavilə imzalamaq niyyətindədir.