Rusiya və Ukrayna arasında 2 iyunda İstanbulda əldə edilmiş razılaşmalar çərçivəsində növbəti hərbi əsir mübadiləsi baş tutub.
Oxu.Az-ın məlumatına görə, bu barədə Rusiya Müdafiə Nazirliyi "Telegram" kanalında məlumat yayıb.
Bunun müqabilində Ukrayna Silahlı Qüvvələrinin (USQ) hərbi əsirlər qrupu təhvil verilib.
Müdafiə Nazirliyindən bildirilib ki, hazırda Rusiya döyüşçüləri Belarus ərazisindədirlər və onlara zəruri tibbi və psixoloji yardım göstərilir.
Daha sonra bütün hərbi qulluqçular tibb müəssisələrində müalicə və reabilitasiya üçün Rusiyaya çatdırılacaqlar.
Xatırladaq ki, tərəflər arasında əvvəlki əsir mübadiləsi 12 iyunda baş tutmuşdu.
Ukrayna İstanbul razılaşmaları çərçivəsində daha 1 200 həlak olmuş döyüşçünün cəsədini alıb.
Oxu.Az-ın məlumatına görə, bu barədə Ukraynanın Hərbi Əsirlərin Mübadiləsi üzrə Koordinasiya Qərargahı "Facebook"da məlumat yayıb.
"Yaxın vaxtlarda hüquq-mühafizə orqanlarının müstəntiqləri Daxili İşlər Nazirliyinin ekspert qurumları ilə birlikdə bütün zəruri ekspertizaları həyata keçirəcək və repatriasiya edilmiş cəsədlərin identifikasiyasını aparacaqlar", - deyə qeyd olunub.
Xatırladaq ki, Rusiya dünən də 1 200 ukraynalının cəsədini geri qaytarıb.
