Azərbaycanın tamblinq üzrə milli komandasının üzvü Tofiq Əliyev dünya çempionatında gümüş medal qazanıb.
Oxu.Az xəbər verir ki, gimnastımız Çinin Nankin şəhərində keçirilən batut gimnastikası və tamblinq üzrə dünya çempionatında fərdi proqramda uğurlu çıxış edib.
Tofiq Əliyev final mərhələsində 29.700 xal toplayaraq ikinci yeri tutub. Bu, onun fərdi proqramda dünya çempionatında qazandığı ilk gümüş medaldır.
Portuqaliya təmsilçisi Vasko Peso qızıl, ABŞ gimnastı Kaden Braun isə bürünc medal qazanıblar.
Beləliklə, Azərbaycan təmsilçilərinin tamblinq üzrə dünya çempionatında çıxışları başa çatıb.
Qaynar xətt:
(055) 224 12 12
