Totti Bakıdan imtina etdi

Çempionlar Liqasının qrup mərhələsində "Qarabağ"la qarşılaşacaq "Roma" bu gün Bakıya gəlir.

Oxu.Az apasport.az-a istinadən xəbər verir ki, "canavarlar"ın əfsanəvi kapitanı Françesko Totti səfərə gələcək heyətdən çıxarılıb.

Buna səbəb cari mövsümün əvvəlindən karyerasını başa vuraraq, paytaxt təmsilçisində rəhbər vəzifəsinə təyin edilən Tottinin sabah doğum gününün olmasıdır. Sabah 41 yaşı tamam olacaq əfsanəvi futbolçu bunu ailəsi və dostları ilə birgə qeyd etmək istədiyini bildirib. Buna görə Tottinin Bakıya gəlişi baş tutmayacaq.

Əvəzində sabiq yarımmüdafiəçi sentyabrın 29-da Gürcüstana yollanacaq. "Milan"ın sabiq müdafiəçisi Kaxa Kaladzenin dəvətlisi olan Totti Tbilisidə İtaliya veteranları ilə seçmə veteranlar arasındakı görüşdə meydana çıxacaq.

Qeyd edək ki, sabah Bakı Olimpiya Stadionunda keçiriləcək "Qarabağ" - "Roma" matçı saat 20:00-da başlayacaq.

E.Ə.
www.oxu.az