Türkiyə futbolunda derbilərlə bağlı yeni qərar - Əcnəbi hakimlər idarə edəcəklər

"Qalatasaray" - "Fənərbağça" matçında ədaləti qoruyan Slavko Vinçiçin performansından məmnun qalan Türkiyə Futbol Federasiyası bundan sonrakı derbilərdə də əcnəbi hakimlərə şans verəcək.

Oxu.Az "SporX"ə istinadən xəbər verir ki, Slavko Vinçiçlə bərabər daha bir neçə əcnəbi hakim Türkiyədə keçiriləcək derbi matçlarında ədaləti qoruyacaq.

Türkiyə Futbol Federasiyası əcnəbi hakimlərə hər oyun üçün 3600 avro ödəyəcək.

Qeyd edək ki, sloveniyalı hakim Slavko Vinçiç "Qalatasaray" - "Fənərbağça" derbisini idarə etmək üçün 3600 avro alıb. Vinçiçin üç köməkçisi isə ayrı-ayrılıqda 2300 avro qazanıblar.

Bundan əlavə, Vinçiç və köməkçilərinə gündəlik 350 avro xərclik verilib.