"İlk dəfədir ki, Avropa çempionatının açılış matçında qalib gəldik. Halbuki son üç turnirdə Türkiyə yığması artıq qrup mərhələsindən kənarlaşdırılıb. Keçən dəfə də (AVRO-2020 -red.) komanda bir xal belə qazana bilməyib. İlk hədəfimiz bu görüşdə qələbə qazanmaq idi. Biz qalib gəldik, indi növbəti qələbəni qazanmaq və pley-offa yüksəlmək istəyirik", - UEFA-nın mətbuat xidməti Türkiyə millisinin baş məşqçisi Vinçenso Montellanın sözlərindən sitat gətirib.
Xatırladaq ki, AVRO-2024-ün növbəti oyununda Türkiyə millisi bu axşam Portuqaliya seçməsi ilə qarşılaşacaq. Görüş Dortmunddakı "Signal İduna Park" arenasında baş tutacaq. İlk turda Türkiyə Gürcüstanı 3:1 hesabı ilə məğlub edib, Portuqaliya isə Çexiya ilə matçda (2:1) əlavə vaxtda qələbə qazanıb.
Mənbə: championat.com
