UEFA Avropa Liqası: "Zirə" "Şerif" səddini keçə bilmədi

UEFA Avropa Liqasının I təsnifat mərhələsinin "Zirə" və "Şerif" (Moldova) komandaları arasındakı cavab matçı başa çatıb.

Oxu.Az xəbər verir ki, "Dalğa Arena"dakı oyunun əsas və əlavə vaxtı qonaqların 1:2 hesablı üstünlüyü ilə bitib.

Matçda hesabı "qartallar"ın heyətində 6-cı dəqiqədə Rafael Utziq açıb. 54-cü dəqiqədə Əyyub Allaş "status-kvo"nu bərpa edib. 77-ci dəqiqədə adını tabloya yazdıran Papa Yade "Şerif"in qələbə qoluna imza atıb.

Komandalar arasında Moldovada keçirilən ilk oyunda "Zirə" 0:1 hesabı ilə qələbə qazandığından ümumi hesab bərabərləşib - 2:2.

Əlavə vaxtda da qalib müəyyənləşmədiyindən qarşılaşmanın taleyi penaltilər seriyasında həll olunub. Burada daha dəqiq oynayan moldovalılar (4:5) II təsnifat mərhələsinə yüksəliblər.

"Zirə" mübarizəni UEFA Konfrans Liqasının II təsnifat mərhələsində davam etdirəcək.

"Qartallar"ın Konfrans Liqasının II təsnifat mərhələsində rəqibi Slovakiya təmsilçisi "Dunayska Ştreda" olacaq.

Tərəflər arasında ilk matç iyulun 25-də Bakıda, cavab qarşılaşması isə 1 həftə sonra səfərdə baş tutacaq.

09:00

Bu gün UEFA Avropa Liqasının birinci təsnifat mərhələsinin cavab görüşündə "Zirə" "Şerif"i qəbul edəcək.

Oxu.Az xəbər verir ki, azərbaycanlı futbolsevərlərin böyük maraqla gözlədikləri görüş Bakı vaxtı ilə saat 20:00-da keçiriləcək.

"Dalğa Arena"da baş tutacaq görüşü Bulat Sariyevin başçılıq etdiyi qazaxıstanlı hakimlər briqadası idarə edəcək.

Qeyd edək ki, komandalar arasında keçirilən ilk görüş "Zirə"nin minimalhesablı qələbəsi ilə başa çatmışdı - 1:0

Anar Həsənov