Erkən ölümün yeni əlamətləri aşkarlanıb
Erkən ölümün yeni əlamətləri aşkarlanıb
Fransanın Tuluza Universitetinin alimləri müəyyən ediblər ki, alında dərin qırışların erkən yaranması ürək-damar xəstəliklərindən ölüm riskinin yüksək olması anlamına gələ bilər.
Oxu.Az xəbər verir ki, bununla “MedicalXpress”in press-relizində məlumat verilib.
20 il davam edən uzunmüddətli araşdırmalarda yaşları 32-62 olan 3,2 min sağlam insan iştirak edib. Könüllülər alındakı qırışların sayına uyğun olaraq bölünüblər. Qırışı olmayan şəxslər sıfır bal, çoxlu qırışı olanlar isə üç bal qazanıblar.
Araşdırmalar müddətində 233 insan müxtəlif səbəblərdən vəfat ediblər. Onlardan 15,2 faizinin iki və daha çox qırışı, 6,6 faizinin bir qırışı olub, 2,1 faizinin isə alnında qırış olmayıb. Bununla yanaşı, qırışların sayının ürək-damar xəstəliklərinin inkişafı ilə bağlı olduğu müəyyən edilib.