Təbii xəz, dəri və tükdən hazırlanmış qış geyimləri kimyəvi maddələr və heyvanmənşəli komponentlər səbəbindən allergik reaksiyalara səbəb ola bilər.
Oxu.Az xəbər verir ki, bu barədə rusiyalı allerqoloq Vladimir Bolibok RT nəşrinə müsahibəsinda danışıb.
Mütəxəssisin sözlərinə görə, dəri və xəzin emalı zamanı adətən xrom duzlarından istifadə olunur ki, onların izləri hazır məhsullarda qala bilər. Altıvalentli xrom xüsusilə təhlükə yaradır, çünki təmas allergiyaya səbəb ola bilər. Digər bir potensial allergen isə kobaltdır.
Bundan əlavə, allergiyaya meyilli insanlarda yun zülalları və heyvan dərisi ilə təmas zamanı arzuolunmaz reaksiyalar yarana bilər. Bunlar həm dəri, həm də tənəffüs yolları simptomlarını təşviq edə bilər.
"Müalicə olunmadığı təqdirdə, təkrarlanan iltihab geri dönməyən ağciyər fibrozuna - toxuma çapığı və tənəffüs funksiyasının davamlı pozulmasına səbəb ola bilər. Simptomlara nəfəs darlığı, öskürək, mümkün subfebril qızdırma və ümumi halsızlıq daxildir", - deyə Vladimir Bolibok qeyd edib.
O, tük doldurucularına xüsusi diqqət yetirib. Bolibokun sözlərinə görə, tərkibində quş lələkləri, gənələr və kif hissəcikləri olan tozla nəfəs almaq hipersensitiv pnevmonitə - ağciyərlərin immun iltihabına səbəb ola bilər.
