"Qlobal miqyasda kütləvi istehsalat o qədər də vacib deyil, çünki orada tamamilə fərqli bir rəqabət mühiti var. Bu səbəbdən yeni kolleksiyalarımız tanınmış rəssam və dizaynerlərlə əməkdaşlıq çərçivəsində hazırlanır və dəyəri qat-qat yüksək olur".
Oxu.Az xəbər verir ki, bu sözləri Baku TV-yə müsahibəsində "Azərxalça" ASC-nin İdarə Heyətinin sədri Emin Məmmədov deyib.
O bildirib ki, yaratdıqları kolleksiyaların 30-40 faizi xaricə gedir:
"Kolleksionerlər bu xalçalara incəsənət əsəri kimi baxırlar, çünki onların hər biri məhdud sayda - 5 və ya 10 ədəd istehsal olunur. Bu addım həm də ölkənin turizm potensialını artırır. Gələn qonaqlar şəhərdə 2-3 gün qalır, bizimlə və rəssamlarla tanış olur, əsəri alıb aparırlar.
Əsas bazarlarımıza gəldikdə isə ABŞ-yə satışlarımız çoxdur, lakin son illər daha çox Şərq ölkələrindən böyük maraq və sifarişlər olur".
