Nazir: "Səylərimizi bugünkü səviyyədə davam etdirsək, hədəflərimizə tez nail ola biləcəyik"

"2030-cu ilədək daxili istehlak, iqtisadiyyatın karbonsuzlaşdırılması və ixrac məqsədilə quruda və dənizdə 8 GVt-dan çox yaşıl enerji layihələri xarici investisiya hesabına reallaşdırılacaq".

Oxu.Az xəbər verir ki, bu fikirləri Dövlət Vergi Xidmətinin Avropadaxili Vergi Administrasiyaları Təşkilatı (İOTA) ilə birlikdə keçirdiyi Karbon Qiymətqoyma üzrə Beynəlxalq Forumunda iqtisadiyyat naziri Mikayıl Cabbarov deyib.

O bildirib ki, səylərimizi bugünkü səviyyədə davam etdirsək, hədəflərimizə daha tez nail ola biləcəyik:

"Qlobal iqlim dəyişikliyini nəzərə alaraq, Azərbaycan hökuməti sirkulyar iqtisadiyyata keçidi, təmiz texnologiyaların tətbiqi, təmiz enerji mənbələrindən istifadənin təşviqi, təkrar emal və çirklənmiş ərazilərin təmizlənməsi ilə bağlı layihələri dəstəkləyir və bu proses davam edəcək. Sahibkarların "yaşıl layihələri" güzəştli kreditlər, həmçinin qrant, startap şəhadətnamələri ilə dəstəklənir".

Nazir: "Səylərimizi bugünkü səviyyədə davam etdirsək, hədəflərimizə tez nail ola biləcəyik"

Məhərrəm Əliyev