Neft və qaz ehtiyatlarının həcmi açıqlandı

“Azərbaycanda bu günə dəqiqləşdirilmiş çıxarılabilən neft ehtiyatları 2 milyard ton, qaz ehtiyatları isə 2 trilyon 550 milyard kubmetr həcmindədir”.

Oxu.Az APA-ya istinadən xəbər verir ki, bunu SOCAR-ın birinci vitse-prezidenti Xoşbəxt Yusifzadə “Oil and Industry” jurnalına müsahibəsində bildirib.
 
Onun sözlərinə görə, proqnozlaşdırılan neft ehtiyatları 2 milyard ton, qaz ehtiyatları isə 3 trilyon 450 milyard kubmetrdir: 

“Başqa sözlə, Azərbaycanda bu günə dəqiqləşdirilmiş çıxarılabilən karbohidrogen ehtiyatı neft ekvivalentində 4 milyard 550 milyon ton, proqnoz karbohidrogen ehtiyatı isə neft ekvivalentində 5 milyard 450 milyon tondur. Beləliklə, bizim ümumi karbohidrogen ehtiyatlarımız şərti yanacaqla 10 milyard ton həcmində qiymətləndirilir”.

U.A.
www.oxu.az