Orxan Məmmədov: " KOB-ların yaratdığı əlavə dəyər iki dəfədən çox artıb"

"Azərbaycanda 2018-ci ildən bəri kiçik və orta biznes (KOB) subyektlərinin sayı 64%-ə yaxın artaraq 401 mini keçib. Bu dövrdə KOB-ların yaratdığı əlavə dəyər 2 dəfədən çox artaraq 9.8 milyard manatdan 20.1 milyard manata çatıb".

Oxu.Az xəbər verir ki, bu fikirləri 2024-cü ildə fəaliyyəti ilə fərqlənmiş sahibkarlara "Dayaq" mükafatının təqdim olunması mərasimində İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.

O bildirib ki, bu kateqoriyadan olan bizneslərin dövriyyəsi ötən il 43.8 milyard manat olub ki, bu da ölkə üzrə qeyri-neft dövriyyəsinin 37.3%-ni təşkil edib.

Məhərrəm Əliyev