Quba şəhərində abadlıq işlərinin satın alınması ilə bağlı elan edilmiş tender proseduru yekunlaşıb.
Oxu.Az xəbər verir ki, Quba Rayon İcra Hakimiyyətinin keçirdiyi tenderin qalibi "Gəncə Körpü Tikinti-2" ASC olub.
Qalib şirkətlə bağlanmış müqavilənin dəyəri 1 milyon 940 min 3 manat 18 qəpik təşkil edib.
Layihə çərçivəsində şəhərin Nizami parkında örtük və əsasın sökülməsi, sement qatının düzəldilməsi, keramik və aqlay plitələrlə döşəmə işləri, mövcud kərpic tikililərin sökülməsi, həmçinin torpaq qazıntısı və digər abadlıq işlərinin görülməsi nəzərdə tutulur.
