Azərbaycan Dövlət Neft Şirkəti (SOCAR) 2013-cü ilin iyun ayında dövlət büdcəsinə 132 milyon 636 min manat vəsait ödəyib ki, bu da ötən ilin iyun ayına nisbətən 9 milyon 608 min manat çoxdur.
Oxu.Az SOCAR-ın rəsmi saytına istinadən xəbər verir ki, ümumiyyətlə, 2013-cü ilin yanvar-iyun aylarında büdcəyə 785 milyon 548 min manat (1,007 milyard dollar) vəsait ödənib. Bu göstərici 2012-ci ilin müvafiq dövrü ilə müqayisədə 111 milyon 456 min manat və ya 16,5% çox olub.
Bundan əlavə, cari ilin iyun ayında SOCAR Dövlət Sosial Müdafiə Fonduna 14 milyon 116 min manat vəsait köçürüb ki, bu göstərici 2012-ci ilin iyun ayı ilə müqayisədə 714 min manat çoxdur.
2013-cü ilin yanvar-iyun aylarında SOCAR-ın DSMF-ə ödənişləri 77 milyon 506 min manat təşkil edib.
Elvin Əhmədov
www.oxu.az
