64 yaşlı pəhləvan Əliyar Musayevin bu sahəyə marağı hələ uşaqlıq illərindən başlayıb. O, 10 yaşından idmanla məşğul olub.
Oxu.Az PhotoStock.Az-a istinadla xəbər verir ki, Naxçıvan Muxtar Respublikasının Şərur rayonundan olan pəhləvanın bir çox güc nömrələri, ağır çəkiləri çeçələ barmağı ilə qaldırması böyük maraqla qarşılanır.
Pəhləvanın nail olduğu göstəricilərdən biri artıq rəsmi rekord kimi qeydə alınıb.
Əliyar Musayev adını Avropanın, MDB-nin və Rusiyanın rekordlar kitablarına yazdırıb.
Bundan əlavə, o, "Rusiya rekordlar kitabı"nın "Qızıl ulduz" nişanı ilə təltif edilib. Bu uğur 22 avqust 2023-cü ildə Keşlə dəmir yolu stansiyasında ümumi çəkisi 71 ton 250 kiloqram olan üç vaqonlu qatarı dartmasına görə qiymətləndirilib.
Əliyar Musayevin gənclərə ən böyük tövsiyəsi özlərinə inanmaları və mütəmadi şəkildə idmanla məşğul olmalarıdır. O, pəhləvanlıq ənənəsinin nəsildən-nəslə ötürülərək yaşamasını istəyir və bu istiqamətdə fəaliyyətlərini davam etdirir.
64 yaşlı xalq pəhləvanı Əliyar Musayevin bacarıqlarına dair fotoreportajı təqdim edirik:
Daha çox foto burada: PhotoStock.az
