Özbəkistanda Azərbaycan dilini öyrənmək istəyənlər üçün dil kursları təşkil olunacaq.
Oxu.Az xəbər verir ki, bu barədə Azərbaycanın Özbəkistandakı səfiri Rəşad Məmmədov "X" sosial şəbəkə hesabında məlumat paylaşıb.
Azərbaycan Respublikasının Özbəkistan Respublikasındakı Səfirliyinin tabeliyində Heydər Əliyev adına Azərbaycan Mədəniyyət Mərkəzində ödənişsiz Azərbaycan dili kursları 30 sentyabr tarixindən etibarən yenidən fəaliyyətə başlayacaq. Kurslarda iştirak etməklə siz peşəkar mütəxəssisin tədrisi əsasında Azərbaycan dilinin zəngin söz ehtiyatını, qrammatik quruluşunu və düzgün danışıq qaydalarını öyrənə, həmçinin gündəlik ünsiyyət bacarıqlarınızı inkişaf etdirə bilərsiniz. 📲 Qeydiyyat: Posterdə yerləşdirilən QR-kodu skan edərək qeydiyyatdan keçə bilərsiniz. Azərbaycan dilinə maraq göstərən və bu dili öyrənmək istəyən hər kəsi kurslarımıza dəvət edirik! ━━━━━━━━━━━━ Ozarbayjon Respublikasining O‘zbekiston Respublikasidagi Elchixonasi huzuridagi Haydar Aliyev nomidagi Ozarbayjon Madaniyat Markazida bepul Ozarbayjon tili kurslari 30-sentyabrdan boshlab yana o‘z faoliyatini boshlaydi. Kurslarda ishtirok etish orqali siz malakali mutaxassis ko‘magida ozarbayjon tilining boy lug‘at tarkibi, grammatik tuzilishi va to‘g‘ri so‘zlashuv qoidalarini o‘rganishingiz, shuningdek, kundalik muloqot ko‘nikmalaringizni rivojlantirishingiz mumkin. 📲 Ro‘yxatdan o‘tish: Posterdagi QR-kodni skanerlab, ro‘yxatdan o‘tishingiz mumkin. Ozarbayjon tiliga qiziqish bildirgan va ushbu tilni o‘rganishni istagan barchani kurslarimizga taklif etamiz!
— Dr. Rashad Mammadov (@R_Eynaddinoglu) September 23, 2026
Qeyd olunub ki, Azərbaycanın Özbəkistandakı səfirliyinin tabeliyində fəaliyyət göstərən Heydər Əliyev adına Azərbaycan Mədəniyyət Mərkəzində Azərbaycan dili kursları yenidən başlayacaq.
Onun sözlərinə görə, kurslara sentyabrın 30-dan start veriləcək və iştirakçılardan ödəniş tələb olunmayacaq:
"Kurslarda iştirak etməklə siz peşəkar mütəxəssisin tədrisi əsasında Azərbaycan dilinin zəngin söz ehtiyatını, qrammatik quruluşunu və düzgün danışıq qaydalarını öyrənə, həmçinin gündəlik ünsiyyət bacarıqlarınızı inkişaf etdirə bilərsiniz".
