Bu gün Azərbaycanda 65 ölkənin diplomatik nümayəndəliyi var. Ölkəmizdə 20-yə yaxın beynəlxalq təşkilat fəaliyyət göstərir. Həmçinin, 12 fəxri konsulluq var.
Bunu Oxu.Az-a açıqlamasında Xarici İşlər Nazirliyinin (XİN) Mətbuat xidmətinin rəhbəri Hikmət Hacıyev deyib.
XİN rəsmisinin sözlərinə görə, Azərbaycanın xarici ölkələrdə fəaliyyət göstərən diplomatik korpuslarının sayı isə 80-ə yaxındır.
“Onların sırasında səfirliklər, diplomatik nümayəndəliklər, Azərbaycanın baş konsulluqları və beynəlxalq təşkilatlar yanında nümayəndəliklər var.
Hazırda isə Azərbaycanın hər hansı bir yeni diplomatik korpusunun açılması ilə də bağlı xüsusi məlumat yoxdur”, - deyə H.Hacıyev əlavə edib.
Kamil HƏMZƏOĞLU
www.oxu.az
