"Bu ilin payız aylarında iki ölkə arasındakı iqtisadi komissiyanın növbəti iclası keçirilicək".
Oxu.Az xəbər verir ki, bu sözləri Azərbaycan xarici işlər naziri Ceyhun Bayramov İsveçrənin Federal Şurasının üzvü və Federal Xarici İşlər Departamentinin rəhbəri, Avropada Təhlükəsizlik və Əməkdaşlıq Təşkilatının (ATƏT) fəaliyyətdə olan sədri İqnasio Kassislə Bakıda keçirilən birgə brifinqdə deyib.
Nazir qeyd edib ki, 110 İsveçrə şirkəti Azərbaycanda qeydiyyatdan keçib;
"Bunlardan 87-si aktiv fəaliyyət göstərir. Onlar sənaye, tikinti, xidmət sektoru və s. sahələrdə fəaliyyət göstərirlər. Biznes forumunun da keçirilməsinin faydalı olacağını düşünürəm. Bundan başqa, ATƏT-in Azərbaycanda həyata keçirə biləcəyi layihələri də nəzərdən keçirdik. Düşünürəm ki, qurum minatəmizləmə fəaliyyətinə töhfə verə bilər".
