Mehmet Süreyya Er: "Kibertəhlükəsizlik sahəsində əməkdaşlıq aktualdır"

"Müdafiə sənayesində əməkdaşlıq, ortaq hərbi təlimlər, terrorizm və transsərhəd problemlərə qarşı mübarizə həyati əhəmiyyət kəsb edir".

Oxu.Az xəbər verir ki, bunu TÜRKPA-nın baş katibi Mehmet Süreyya Er Milli Məclisdə keçirilən TÜRKPA-ya üzv parlamentlərin Müdafiə və təhlükəsizlik üzrə komitə sədrlərinin ikinci iclasında deyib.

O bildirib ki, hazırda kibertəhlükəsizlik və hibrid təhdidlərə qarşı mübarizə ilə bağlı əməkdaşlıqlar da aktualdır:

"Bunun üçün isə institusional müstəvidə dialoq və sistemli qarşılıqlı fəaliyyət vacib əhəmiyyət kəsb edir. Bu baxımdan, TÜRKPA-ya üzv parlamentlərin Müdafiə və təhlükəsizlik üzrə komitə sədrlərinin iclasları müntəzəm əsasda keçirilməyə davam etdirilməlidir. Bu platformanın ölkələrimiz arasında müvafiq sahədə ortaq gündəliyin və uzunmüddətli strategiyanın formalaşmasına töhfə verəcəyinə inanıram".

Mərahim Nəsib