Sevinc Həsənova Nazirlər Kabineti Aparatının İqtisadiyyat şöbəsinin müdiri təyin edilib.
Oxu.Az xəbər verir ki, Baş nazir Əli Əsədov bununla bağlı sərəncam imzalayıb.
Qeyd edək ki, şöbənin sabiq müdiri Azər Əmiraslanov VII çağırış Milli Məclisin deputatı seçildiyi üçün iki gün əvvəl vəzifəsindən azad edilib.
Xatırladaq ki, Sevinc Həsənova bundan əvvəl Azərbaycan Respublikası iqtisadiyyat nazirinin müavini vəzifəsində çalışıb. O, ötən il vəzifəsindən azad edilib.
