Pakistanlı jurnalist İlham Əliyevdən yazdı: "Su içmədən suallara üç saatdan çox cavab verə bilir"

"Pakistan Daily" qəzetinin redaktoru Hamza Azhar Salam sosial şəbəkə hesabında Azərbaycan Prezidenti İlham Əliyev haqqında paylaşım edib.

Oxu.Az-ın məlumatına görə, o, "X" hesabında ölkə başçısı ilə çəkilmiş fotosunu paylaşaraq, İlham Əliyev barəsində diqqətini çəkən doqquz məqamı qeyd edib.

Azhar Salam bildirib ki, İlham Əliyev jurnalistlər üçün bir çox Qərb liderindən daha əlçatandır.

Jurnalistin paylaşımını təqdim edirik:

Azərbaycan Prezidenti İlham Əliyev haqqında diqqətimi çəkən doqquz məqam:

1. İngilis, türk, Azərbaycan, fransız və rus dillərində danışa bilir;

2. Bir qurtum su içmədən çətin suallara üç saatdan çox cavab verə bilir;

3. Bir çox müxtəlif layihələrin maliyyə rəqəmlərini əzbər söyləyə bilir;

4. O, müxtəlif ölkələrin media ekosistemlərindən xəbərdardır;

5. O, jurnalistlər üçün bir çox Qərb liderlərindən daha əlçatandır;

6. Bəzən söhbətlərinə/cavablarına yumor əlavə edir;

7. Partiya iclaslarında onun ritorikası sülhə meyilli görünür, lakin lider kimi o, istənilən ehtimala hazırdır;

8. Müttəfiqlərinə necə hörmət etməyi və düşmənlərini çəkindirməyi bilir;

9. Açıqsözlüdür, sözü dolandırmaz və onun yüksək iş etik standartlarını anlayan istedadlı, çalışqan komanda ilə işləməkdən həzz alır.

Pakistanlı jurnalist İlham Əliyevdən yazdı: "Su içmədən suallara üç saatdan çox cavab verə bilir"

9 things I noticed about President of #Azerbaijan, Ilham Aliyev. @presidentaz

1. He can communicate in English, Turkish, Azerbaijani, French and Russian.

2. He can answer tough questions for over 3 hours without any breaks or even taking a sip of water.

3. He can quote… pic.twitter.com/X3fQY8PJ4I

— Hamza Azhar Salam (@HamzaAzhrSalam) August 8, 2024