IX sinif buraxılış imtahanlarında cəmi 47 faiz abituriyent öz cavab vərəqəsinə baxıb.
Oxu.Az-ın məlumatına görə, bu barədə Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirdiyi mətbuat konfransında bildirib.
Onun sözlərinə görə, birinci imtahanda iştirak edən 37434 abituriyentdən 26856 nəfər öz balına baxıb:
“Qalan 12 min nəfər heç öz balına baxmayıb.
Hər bir şəxsin yazı işi və sualları dərc olunub. Buna abituriyent, müəllim və ekspert də baxa bilər.
10795 abituriyent verilən suallara hansı cavabı yazdığına baxıb. Bu da 29 faiz təşkil edir. Qalan 71 faiz öz cavab vərəqlərinə baxmayıb.
Bəs niyə onda bəzi ekspertlər sualların paylaşılmasını istəyirlər? Bizim ölkədə biznes aparmaq üçün mühit genişləndirilir. Təhsildə pullu xidmət göstərən şəxslər var və onlar öz xidmətlərini bu bazarda satmaq istəyirlər”.
Məleykə Abbaszadə qeyd edib ki, IX sinif buraxılış imtahanlarında birinci imtahanda iştirak edən 39700 nəfər abituriyentdən 25762 nəfər öz nəticələrinə baxıb:
“6973 nəfər isə cavab vərəqəsinə baxıb. Bu da 18 faiz təşkil edir”.
İlhamə Əbülfət
Rəylər