Səfirlik: Türkiyədən təxliyyə edilən azərbaycanlı tələbələr Bakıya gətiriləcək - YENİLƏNİB
Səfirlik: Türkiyədən təxliyyə edilən azərbaycanlı tələbələr Bakıya gətiriləcək - YENİLƏNİB
Elazığdan tələbələrimizi daşıyan ilk avtobus Naxçıvana doğru yola çıxıb.
Oxu.Az xəbər verir ki, bu barədə Azərbaycanın Türkiyədəki səfirliyinin “Twitter” səhifəsində bildirilib.
Elazığdan tələbələrimizi daşıyan ilk avtobus Naxçıvana doğru yola çıxdı. pic.twitter.com/oelDyPCGdc
— AzEmbassyTurkey (@AzEmbassyTurkey) 25 января 2020 г.
16:30
Türkiyədə zəlzələ zonasında təhsil alan azərbaycanlı tələbələr avtobuslarla Naxçıvana aparılacaq.
Oxu.Az xəbər verir ki, bu barədə Azərbaycanın Türkiyədəki səfirliyinin “Twitter” səhifəsində bildirilib.
Qeyd olunub ki, tələbələr daha sonra təyyarə vasitəsilə Naxçıvandan Bakıya gətiriləcəklər.
Avtobuslarla Naxçıvana aparılacaq tələbələrimiz, Ali rəhbərliyin tapşırığı ilə daha sonra təyyarə vasitəsilə Naxçıvandan Bakıya gətiriləcəklər.
— AzEmbassyTurkey (@AzEmbassyTurkey) 25 января 2020 г.
15:46
“Azərbaycan Respublikasının Prezidenti İlham Əliyevin tapşırığına əsasən Türkiyədə zəlzələ zonasında təhsil alan azərbaycanlı tələbələrin təxliyəsinə başlanılıb”.
Bunu APA-nın yerli bürosuna Azərbaycanın Türkiyədəki səfirliyinin ikinci katibi Mürşüd Məmmədov deyib.
Onun sözlərinə görə, Elazığ və Malatyada təhsil alan Azərbaycan vətəndaşları olan tələbələr məlumatlandırılıb və onların təxliyəsi üçün avtobuslar ayrılıb.
M. Məmmədov bildirib ki, yalnız tələbələr deyil, zəlzələ ərazisində yaşayan digər Azərbaycan vətəndaşları da bu avtobusların xidmətindən istifadə edə biləcək:
“Hazırda bir avtobus Elazığa yaxınlaşmaqdadır. Tələbələr Malatya və Elazığdan Naxçıvana aparılacaq. Sənədləri qaydasında olmayan vətəndaşlarımıza Qars Baş Konsulluğu tərəfindən yardım göstəriləcək”.
M. Məmmədov vurğulayıb ki, tələbələr arasında zəlzələdən zərərçəkən olmayıb.
Qeyd edək ki, Prezident İlham Əliyev Türkiyədə azərbaycanlı tələbələrin zəlzələ zonasından təxliyəsi haqda tapşırıq verib.
Xatırladaq ki, yanvarın 24-də axşam saatlarında Türkiyənin Elazığ vilayətinin Sivricə rayonunda 6,8 bal gücündə zəlzələ olub.
Son olaraq zəlzələ nəticəsində 22 nəfərin öldüyü, 1031 nəfərin yaralandığı açıqlanıb.
Elazığda 18, Malatyada 4 nəfər təbii fəlakətin qurbanı olub.