Özbəkistanda bu ölkənin ilk prezidenti İslam Kərimovun adının efirdə səsləndirilməsi qadağan edilib.
Oxu.Az xəbər verir ki, bu barədə yerli "Azadlıq Radiosu" xəbər yayıb.
Bu radionun iddiasına görə, tələb Özbəkistanın hazırkı prezidenti Şövkət Mirzəyevin məsləhətçisi Hayriddin Sultanov tərəfindən gəlib. Belə ki, İslam Kərimovun yerinə daha çox hazırkı prezidentin adının səsləndirilməsi tələb olunur. Hətta bildirilir ki, hazırda İslam Kərimovun adının efirdə çəkilməsi dini ekstremist qruplaşma olan Özbəkistan İslam Hərəkatının təsisçisi Tahir Yoldaşovun adının çəkilməsindən daha təhlükəlidir.
Həmçinin efirdə onun portretlərinin yer alması da qadağan edilib.
Qeyd edək ki, İslam Kərimov 1991-2006-cı illərdə Özbəkistanın prezidenti olub.
Səbuhi MUSAYEV
www.oxu.az
