İstanbulda qədim insan məskəninin izləri aşkar edilib

Türkiyəli arxeoloqlar İstanbuldakı Yarımburqaz mağarasında 600 min il əvvələ aid insan məskəninin izlərini aşkar ediblər.

“Bu, mağaranın 1985-1986-cı illərdə tərtib edilmiş xəritəsində yer almayıb. Mağaradakı insan ayaqlarının izləri eramızdan əvvəl 600 min il əvvələ aiddir. Biz burada insan qalıqlarını tapa bilmədik, lakin onların düzəltdiyi alətlər tapdıq”, - deyə arxeoloqlardan biri Metin Alburek bildirib.

Yarımburqaz 19-cu əsrdən, avstriyalı Karl Eduard Hammerşmidtin burada ilk geoloji tədqiqatları aparan şəxs olduğu vaxtdan tədqiqatçıların marağına səbəb olub. 20-ci əsrdə mağarada Türkiyə Milli Coğrafiya Cəmiyyəti tərəfindən maliyyələşdirilən arxeoloji işlər aparılıb.

Mənbə: TRT 1