Baku TV-nin "Oralarda necədir?" rubrikasının budəfəki buraxılışında Çexiyanın paytaxtı Praqadan bəhs edilib.
Bakıdan 2939 kilometr uzaqda yerləşən, tarixi eramızdan əvvəl 1306-cı ilə gedib çıxan Praqa ən maraqlı və rəngarəng həyat tərzi sürülən şəhərlərdən biridir.
Baku TV-nin "Oralarda necədir?" rubrikasının budəfəki buraxılışında Çexiyanın paytaxtı Praqadan bəhs edilib.
Bakıdan 2939 kilometr uzaqda yerləşən, tarixi eramızdan əvvəl 1306-cı ilə gedib çıxan Praqa ən maraqlı və rəngarəng həyat tərzi sürülən şəhərlərdən biridir.
Karlov körpüsü, şokolad muzeyi, Praqa "Venesiyası" və Valdşteyn sarayı ilə məşhur olan şəhər bu gün Avropanın ən çox turist qəbul edən paytaxtlarından biridir.
Burada dövlət xəstəxanalarında doğuş pulsuzdur - bütün xərclər sığorta tərəfindən qarşılanır. Analıq məzuniyyətində olan qadınlar hər ay maaşlarının 70 faizini alırlar. Uşaqlar üç yaşından bağçaya gedir, hətta meşədə qurulmuş xüsusi təbiət bağçaları da fəaliyyət göstərir.
Praqa təmiz və nizam-intizamlı şəhərdir. Küçələrin səliqəsi daim qorunur, qayda pozuntularına görə cərimələr tətbiq edilir. Şəhərdə orta aylıq maaş 33 min kron - təxminən 2700 manat civarındadır. Praqalıların itlərə xüsusi sevgisi var. Şəhərdə itlər üçün kafelər, xüsusi yeməklər və hətta kremasiya xidmətləri mövcuddur. Burada itlər ailənin tamhüquqlu üzvü hesab edilir.
