Azərbaycanda bu ilin birinci yarısında 15 420 cinayət qeydə alınıb.
Oxu.Az xəbər verir ki, bu barədə Azərbaycan Respublikasının Prokurorluğu orqanlarında 2026-cı ilin birinci yarısında görülmüş işlərin yekunlarına dair geniş kollegiya iclasında məlumat verilib.
Bildirilib ki, qeydə alınmış cinayətlərin 90.7 faizinin açılması təmin edilib.
Qeyd olunub ki, hesabat dövründə ölkə üzrə ümumilikdə 7 893 cinayət işinin istintaqı tamamlanıb. Onlardan 470-i prokurorluq orqanlarında istintaq edilib.
Həmçinin prokurorluq orqanları tərəfindən 269, digər istintaq qurumları ilə birlikdə isə ümumilikdə 5 511 cinayət işinin ibtidai istintaqı yekunlaşdırılaraq baxılması üçün məhkəmələrə göndərilib.
Qaynar xətt:
(055) 224 12 12
