Bakıda bir nəfər özünü öldürmək üçün dağa dırmaşıb.
Oxu.Az Milli.Az-a istinadən xəbər verir ki, Sabunçu rayonunda 1 nəfər intihar etmək məqsədilə hündürlüyü 15-17 metr olan dağın zirvəsinə çıxıb.
Dərhal hadisə yerinə nazirliyin müvafiq xilasetmə qüvvələri cəlb olunub və aidiyyəti qurumlar məlumatlandırılıb.
Xilaesdicilər tərəfindən intihar cəhdinin qarşısını almaq üçün təhlükəsizlik yastığı quraşdırılıb, alpinist ləvazimatlarının və müvafiq xilasetmə avadanlıqlarının hazırlanması işləri, vətəndaşların təhlükəsiz məsafəyə uzaqlaşdırılması təmin edilib. Xilasedicilər intihar etmək istəyən şəxslə müvafiq psixoloji söhbətlər aparıblar. Aparılmış danışıqlar nəticəsində xilasedicilər tərəfindən intihara cəhdin qarşısı alınıb. İntihar etmək istəyən şəxs aidiyyəti üzrə təhvil verilib.
Sabunçu rayon Polis İdarəsinin 13-cü polis bölməsi bildirilib ki, 19 yaşlı oğlanı dağa çıxmağa məcbur edən nakam sevgisidir.
Ozündən bir neçə yaş kiçik qızı sevən gənc sevgilisindən ayrı salınıb.
Valideynləri qızı ona vermədiyindən onları qorxutmaq üçün dağa çıxaraq intihar edəcəyini deyib.
