Sabah Naxçıvan Muxtar Respublikasının Culfa rayonunun bir sıra kəndlərində qaz təchizatı dayandırılacaq.
Oxu.Az "Report"a istinadən xəbər verir ki, məhdudiyyət 76 mm və 89 mm borular korroziyaya uğradığı üçün görülən təmir işləri ilə əlaqədardır.
Belə ki, rayonun Ərəzin, Camaldın, Qızılca, Əbrəqunus, Kırna, Bənəniyar, Saltaq, Göydərə, Xanəgah, Əlincə, Xoşkeşin, Milax, Ərəfsə, Ləkətağ, Teyvaz, Qazançı, Boyəhməd kəndlərində qaz təchizatında dekabrın 5-də saat 09:30-dan saat 13:00-dək müvəqqəti fasilə yaranacaq.
Bu gündən Bakının Yasamal rayonunun, sabahdan isə Xəzər rayonunun bəzi ərazilərinin təbii qazla təchizatında müvəqqəti fasilə olacaq.
Oxu.Az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.
Məlumata görə, Yasamal rayonu, Tbilisi prospektində yeraltı qaz xəttində aşkar olunmuş qaz sızmasının ləğv edilməsi məqsədilə bu gün saat 23:00-dan etibarən işlər yekunlaşana qədər qaz təchizatı dayandırılacaq. Təmir-bərpa işləri aparılan müddətdə prospektin bir hissəsinin, "Şakir" MTK-nın, 1-ci Alatava ərazisinin bir hissəsinin, Diaqnostika, "Aztelecom", "Azercell", N.Tusi klinikası ərazilərinin qaz təchizatında fasilə yaranacaq.
Sabah isə saat 10:00-dan etibarən Xəzər rayonu, Şüvəlan qəsəbəsinin Mayak bağları ərazisində yeni çəkilmiş qaz xəttinin şəbəkəyə qoşulması məqsədilə qaz təchizatı dayandırılacaq. Qaz təchizatı dayandırılan müddətdə Şüvəlan qəsəbəsinin bir hissəsinin qaz təchizatında fasilə yaranacaq.
