Səbail rayonunda bir nəfərin xəsarət alması ilə nəticələnən yol-nəqliyyat hadisəsi baş verib.
Oxu.Az xəbər verir ki, qəza Dövlət Bayrağı Meydanının yaxınlığında baş verib.
“99-TZ-948” dövlət nömrə nişanlı “Mercedes” markalı minik avtomobili yolu keçmək istəyən 1961-ci il təvəllüdlü Nəzərova Nəzifə Məhərrəm qızını vurub.
Yaralı 1 saylı Şəhər Klinik Xəstəxanasına yerləşdirilib.
Ona boyunun əzilmiş yarası diaqnozu qoyulub.
Faktla bağlı Səbail Rayon Polis İdarəsində araşdırma aparılır.
Kamil Əmirli
