Dövlət Təhlükəsizliyi Xidmətinin əməkdaşları Heydər zirvəsinə yürüş təşkil ediblər.
Oxu.Az xəbər verir ki, Dövlət Təhlükəsizliyi Xidmətinin (DTX) bir qrup əməkdaşı tərəfindən ümummilli lider Heydər Əliyevin anadan olmasının 103-cü ildönümü münasibətilə ulu öndərin adını daşıyan, Böyük Qafqaz sıra dağlarının Başdağ silsiləsinin dəniz səviyyəsindən 3751 metr hündürlükdə yerləşən Heydər zirvəsinə ənənəvi yürüş təşkil olunub.
Mürəkkəb relyef və sərt iqlim şəraitinə baxmayaraq, yürüş iştirakçıları təyin olunmuş vaxtda Heydər zirvəsinə qalxıb, ümummilli liderin barelyefi önündə dahi şəxsiyyətin əziz xatirəsini dərin ehtiramla yad ediblər.
Qaynar xətt:
(055) 224 12 12
