Gəncə şəhərinin Dəmiryolaltı yaşayış sahəsinin ərazisində yaşayan sakinlər kanalizasiya problemindən şikayətlənirlər.
Oxu.Az-a müraciət edən sakinlər bildiriblər ki, kanalizasiya sistemi tez-tez dolur və çirkab su küçəyə axır.
Müraciətdə qeyd olunub ki, problem bir neçə ildir davam edir. Sakinlərin sözlərinə görə, məsələ ilə bağlı dəfələrlə aidiyyəti qurumlara müraciət olunub.
"Belə hər dəfə daşdıqca gəlib açıb gediblər. Lakin yenidən dolur, yenidən daşır", - deyə sakinlər bildiriblər.
O əlavə edib ki, kanalizasiya suyunun küçəyə yayılması ərazidə antisanitar vəziyyət yaradır.
Sakinlər problemin müvəqqəti olaraq aradan qaldırılmasını deyil, kanalizasiya sistemində əsaslı iş aparılaraq məsələnin kökündən həll edilməsini istəyirlər.
Qeyd edək ki, sakinlər küçənin yeni adının Samir Həsənov küçəsi olduğunu, lakin bu məlumatın şəxsiyyət vəsiqəsindəki qeydiyyat ünvanına hələ əlavə edilmədiyini bildirib.
Həmin görüntüləri təqdim edirik:
:640.jpg)
