"Azərbaycan Qarabağ və Zəngəzur ərazilərinin bərpası və yenidən qurulması üzrə mühüm təcrübə ilə çıxış edir".
Oxu.Az xəbər verir ki, bu fikirləri Dövlət Şəhərsalma və Arxitektura Komitəsinin aparat rəhbərinin müavini Gülşən Rzayeva Ümumdünya Şəhərsalma Forumu (WUF13) çərçivəsində keçirilən "Kövrək və Münaqişələrdən Təsirlənən Mühitlərdə Şəhər Həlləri Vasitəsilə Sülhə töhfə verən İqlim Fəaliyyəti" adlı konfransda deyib.
O bildirib ki, yenidənqurma geniş və sistemli şəkildə aparılır:
"Azərbaycan postböhran və postmünaqişə ölkələri üçün bir model hazırlayır. Bu yenidənqurma prosesi yalnız binaların bərpasını deyil, eyni zamanda şəhərlərin, cəmiyyətlərin və insanların həyatının yenidən qurulmasını əhatə edir və nəticədə regionun ümumi gücünü artırır".
