"30 il idi qaldığım Xırdalan şəhərində harasa çıxmağa həvəsim yox idi. Amma indi Zəngilana qaça-qaça gedirəm".
Oxu.Az-ın məlumatına görə, bunu bu gün növbəti köç karvanı ilə Zəngilana qayıdan keçmiş məcburi köçkün Əkbər Hüseynov deyib.
O bildirib ki, Zəngilandan məcbur köçkün kimi 32 yaşında çıxıb:
"Bir az səhhətimdə də problem var idi. Heç yerə çıxmağa həvəsim yox idi. Amma bu gün sevə-sevə Zəngilanıma qayıdıram. Buna görə başda Ali Baş Komandan olmaqla əziyyəti olan hər kəsə təşəkkür edirəm. Şəhidlərimizin ruhu qarşısında baş əyirəm. Allah şəhidlərimizə rəhmət eləsin, qazilərimizə cansağlığı versin".
Samir Əli
