Küləkli hava şəraiti ilə bağlı gəmilərə XƏBƏRDARLIQ EDİLİB

Dövlət Dəniz və Liman Agentliyinin (DDLA) Gəmi Hərəkətinin İdarəedilməsi Mərkəzi küləkli hava şəraiti ilə bağlı gəmilərə xəbərdarlıq edib.

Oxu.Az xəbər verir ki, bu barədə DDLA məlumat yayıb.

Bildirilib ki, xəbərdarlığa əsasən, aprelin 15-dən Xəzər Dəniz Akvatoriyasında müşahidə olunacaq şimal-qərb küləyi aprelin 17-si gündüz saatlarına kimi davam edəcək.

Məlumata görə, həmin günlər ərzində şimal-qərb küləyinin sürətinin 18-23 m/s, arabir 25-30 m/s-dək güclənəcəyi gözlənilir.

Dalğanın hündürlüyünün isə 2-3 m, sonrakı inkişafda 4-6 m çatacağı proqnozlaşdırılır.