Metronun bağlanmasının əsas səbəbi açıqlandı

“Tunel şəraitində fəaliyyət göstərən metroda virusun yayılması daha sürətli ola bilər”.

Oxu.Az-ın məlumatına görə, bunu Nazirlər Kabineti yanında operativ qərargahın bu gün keçirdiyi brifinqdə Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, bu, digər ölkələrin praktikası əsasında da qiymətləndirilib:

“Tunellərdə, qatarlarda havalandırma sistemi bu virusun yayılması üçün münbit şərait hesab olunur. Məhz bu riski gözə almamaq üçün metronun fəaliyyəti dayandırılıb. Bunun əvəzində ekspress avtobusların fəaliyyətinə üstünlük verilir”.

Könül Cəfərli