"Necə olmalıdır?" rubrikasının yeni buraxılışı yayımlanıb.
Budəfəki buraxılışda paytaxtın İnşaatçılar prospekti, Dövlət Statistika Komitəsinin yaxınlığındakı dördzolaqlı yolda hərəkətin təşkili ilə bağlı problem diqqətə çatdırılıb.
Bildirilib ki, sözügedən yolda nizamlanmayan piyada keçidinin olması təhlükəlidir. Bəzən piyadalar yolu keçmək istəyərkən avtomobillər ya dayanmır, ya da yol nişanını görə bilmirlər:
"Ərazidəki keçiddə bir neçə yol-nəqliyyat hadisəsi baş verib və piyadalar xəsarət alıblar. Bu səbəbdən yol nişanları daha görünən yerə yerləşdirilməli və keçid nizamlanmalıdır. Bu, hərəkəti daha təhlükəsiz edər".
Paytaxtda təhlükəli piyada keçidi: "İnsanlar hər gün ölüm riski ilə üzləşirlər"
