Bakı-Qazax yolunun Qaradağ rayonu, Ələt qəsəbəsindən keçən hissəsində "Mercedes" markalı avtomobil yanıb.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, sentyabrın 30-da saat 03:40-da Bakı şəhəri, Qaradağ rayonu, Qobustan qəsəbəsi ərazidən Respublika Təcili və Təxirəsalınmaz Tibbi Yardım Mərkəzinə çağırış daxil olub.
Qeyd olunub ki, çağırış ünvanına təcili tibbi yardım briqadası göndərilib.
Bildirilib ki, briqada tərəfindən bir kişiyə hadisə yerində tibbi yardım göstərilib. Digər kişi isə müştərək travma diaqnozu ilə Kliniki Tibbi Mərkəzə hospitalizasiya olunub.
1970-ci il təvəllüdlü şəxsə başın açıq yarası və dəqiqləşdirilməmiş çoxsaylı travmalar diaqnozu qoyulub.
Hazırda pasiyentin müalicəsi Təcili və təxirəsalınmaz tibbi yardım şöbəsində davam etdirilir. Vəziyyəti orta ağır qiymətləndirilir.
Bakı-Qazax yolunun Qaradağ rayonu, Ələt qəsəbəsindən keçən hissəsində "Mercedes-Benz" markalı avtomobil yanıb.
Bu barədə Oxu.Az-ın sorğusuna cavab olaraq Baş Dövlət Yol Polisi İdarəsindən (BDYPİ) bildirilib.
Qeyd olunub ki, hadisə sentyabrın 29-da saat 23:05-də Bakı-Qazax yolunun 70-ci kilometrliyində baş verib.
Qeyd olunub ki, 2001-ci il təvəllüdlü Sənan Böyükağa oğlu İsmayılovun idarə etdiyi, dövlət qeydiyyat nişanı 90- TV-697 olan "Mercedes-Benz" markalı avtomobil yanıb.
Hadisə nəticəsində sürücü və digər şəxslər arasında xəsarət alan olmayıb.
Faktla bağlı araşdırma aparılır.
Məhərrəm Əliyev
Bakı-Qazax yolunun Qaradağ rayonu, Ələt qəsəbəsindən keçən hissəsində avtomobildə yanğın baş verib.
Oxu.Az xəbər verir ki, bu barədə Fövqəladə Hallar Nazirliyinin (FHN) Mətbuat Xidməti məlumat yayıb.
Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraiti qiymətləndirilərkən müəyyən olunub ki, "Mercedes-Benz" markalı minik avtomobilində yanğınla nəticələnən yol-nəqliyyat hadisəsi baş verib.
Yanğınsöndürənlərin çevik müdaxiləsi sayəsində "Mercedes-Benz" markalı minik avtomobilində baş vermiş yanğın qısa müddətdə söndürülüb.
Yanğın nəticəsində avtomobilin mühərrik hissəsi yanıb.
Avtomobilin qalan hissəsi yanğından mühafizə olunub.
